Aksident në aksin rrugor “Fier-Seman”, i riu përplas për vdekje 50-vjeçarin me motor dhe largohet nga vendi i ngjarjes

Një aksident me pasojë vdekjen e një personi është regjistruar në orët e para të mëngjesit në aksin rrugor “Fier-Seman”.

Sipas të dhënave të policisë, shtetasi A. G., 22 vjeç, duke drejtuar automjetin, ka përplasur motomjetin me drejtues shtetasin K. S., rreth 50 vjeç.

Si pasojë e përplasjes, shtetasi K. S. ka humbur jetën në vendngjarje.

Shërbimet e Policisë po punojnë për kapjen e drejtuesit të automjetit, shtetasit A. G., i cili është larguar nga vendi i aksidentit, me këmbë.

/S.T