“Synojmë 9 mandate në qark”/ Pas Kavajës, Rama takim me gratë e vajzat e Durrësit

Kryetari i Partisë Socialiste, Edi Rama po zhvillon sot takim me gratë e vajzat e qarkut Durrës.

Ky takim vjen në kuadër të fushatës elektorale për zgjedhjet parlamentare të 11 majit.

Në sallën e mbushur plot, në shoqërinë e kandidatëve, strukturave të partisë, kryebashkiakes Emiriana Sako, e cila mbajti dhe fjalën hapëse, u prezantuan edhe kandidatët socialistë për qarkun dhe u fol për projektet dhe investimet e këtyre viteve, deri te trefishimi i përfaqësimit me gra dhe vajza socialiste.
Përfaqësuesit socialistë të qarkut thanë se kanë synim mandatin e 9-të në qarkun e Durrësit, pasi zgjedhjet e vitit 2021 morën 8 mandate.