98 vjet nga nënshkrimi i “Paktit të Parë të Tiranës”, traktati i paqes mes Shqipërisë e Italisë

Më 27 nëntor të vitit 1926 u nënshkrua Pakti i Parë i Tiranës. Drejtoria e Përgjithshme e Arkivave kujton të mërkurën se, ky pakt italo-shqiptar, i quajtur ndryshe si Traktati i Paqes dhe i Sigurisë, kishte një vlefshmëri 5-vjeçare.

Pakti e detyronte Tiranën zyrtare të pranonte në radhët e ushtrisë dhe të policisë, oficerë italianë, për mbikëqyrje dhe për trajnime.

Të dy vendet nënshkruese do të ofronin mbështetje ushtarake dhe ekonomike për njëra-tjetrën. Në disa prej neneve të paktit përcaktohej se:

Kushdo që shkonte kundër çështjeve ekzistuese të “status quo”-së shqiptare, do të shihej si armik i shtetit shqiptar dhe atij italian;

Të dyja vendet nuk do të lidheshin me marrëveshje të tjera politike apo ushtarake që dëmtonin interesat e njëra-tjetrës;

Të dyja palët i nënshtroheshin një pajtimi të veçantë nëse lindnin çështje që nuk mund të zgjidheshin me urdhër diplomatik.

Nënshkrimi i këtij i këtij pakti solli reagimet e ish-Jugosllavisë. Ajo ndërmori aksion ushtarak kundër kufirit verior të Shqipërisë me mbështetjen e Francës. Kjo aleancë jugosllavo-franceze, u konsiderua prej Musolinit si një akt kundër Italisë.

/a.r