Trump: Do rikthej ëndrrën amerikane; Reagon Harris: Poshtërues dhe përçarës

Ndërsa na ndajnë edhe tetë ditë nga zgjedhjet presidenciale në Shtetet e Bashkuara të Amerikës, kandidati republikan Donald Tramp (Trump) ka mbajtur fjalimin përmbyllës të fushatës në Nju-Jork.

Në fjalën e tij, Tramp premtoi se do të “rikthejë ëndrrën amerikane”, duke ulur taksat dhe energjinë.

Megjithatë, komentet nga mbështetësit e tij kanë tërhequr kritika, duke përfshirë komedianin Toni Hinçklif (Tony Hinchcliffe), i cili e cilësoi Porto-Rikon një “ishull lundrues mbeturinash”.

Fushata e Trampit tha se komenti “nuk pasqyron” pikëpamjet e kandidatëve republikanë. Të dyja kampet po përpiqen të fitojnë përkrahjen e votuesve latinë.

Nga ana tjetër, kandidatja demokrate Kamala Harris e zhvilloi fushatën në Pensilvani, një nga shtetet kryesore si për demokratët ashtu edhe për republikanët.

Ajo sulmoi kundërshtarin e saj Tramp, duke theksuar se deklaratat e tij në Nju-Jork ishin përçarëse dhe poshtëruese.

Harris shënjestroi mesazhin e saj tek të ashtuquajturit votues të Gjeneratës Z , duke pranuar se disa të rinj janë “të paduruar për ndryshim”.

Pothuajse 42 milionë amerikanë kanë votuar tashmë përpara ditës së votimit më 5 nëntor, ndërsa Presidenti Xho Bajden (Joe Biden) do të votojë këtë të hënë (28 tetor).

/a.r