I riu shqiptar humb jetën në një aksident tragjik në Itali

Një 32-vjeçar shqiptar humbi jetën si pasojë e një aksidenti tragjik në orët e para të mëngjesit në Itali.

Ngjarja ndodhi rreth orës 03:00 në provincën e Frosinone.

Vetura me të cilën po udhëtonte i riu shqiptar ka dalë nga rruga, është rrotulluar disa herë dhe është përmbysur, raporton Top Channel.

Ndërkohë, të lënduar mbetën tre shtetas të tjerë që udhëtonin me 32-vjeçarin, po ashtu shqiptarë.

Ende nuk dihen rrethanat e aksidentit, ndërkohë që pritet zbardhja e plotë e ngjarjes nga grupi hetimor.