Punonjësja e policisë përplas për vdekje me makinë këmbësorin në Laç

Një aksident me pasojë vdekjen ka ndodhur në Laç mbrëmjen e sotme, ku një këmbësor është përplasur nga një makinë.

Viktima është 51-vjeçari me iniciale V.H., banues në Kurbin. Këmbësori mbeti fillimisht i plagosur dhe u dërgua në Spitalin e Traumës në Tiranë për ndihmë më të specializuar mjekësore, por fatkeqësisht humbi jetën në spital.

Ndërkohë, makina drejtohej nga një punonjëse e policisë, F.Z. 43 vjeçe. Kjo e fundit ka qenë jashtë orarit të punës kur ndodhi aksidenti.

43-vjeçarja është arrestuar nga Agjencia e Mbikëqyrjes Policore për akuzën e shkeljes së rregullave të qarkullimit rrugor.

/a.r