Depay: Shumë lojtarë europianë do të vijnë pas meje në Brazil

Sulmuesi holandez, Memphis Depay, ka thënë se pret që edhe shumë futbollistë të tjerë evropiane do t’i bashkohen atij në elitën e futbollit brazilian, para Kupës së Botës 2026.

30-vjeçari Depay ka thënë të enjten në konferencën e tij të parë për shtyp si lojtar i Corinthiansit, por nuk tregoi pse shkoi në futbollin e Amerikës së Jugut.

Depay u prezantua si futbollist i ri i Corinthiansit të mërkurën mbrëma, ndërsa nënshkroi kontratë dyvjeçare.

“Kjo është më e madhe se vetë futbolli. Shumë yje janë nga Brazili, lojtarë të mëdhenj të futbollit. Është Meka e futbollit. Fëmijët në Evropë e shikojnë Brazilin për mënyrën se si luajnë dhe e përjetojnë”, ka thënë Depay të enjten.

Të dhënat e FIFA-s tregojnë se mesatarisht, 1000 futbollistë brazilianë largohen nga shteti çdo vit, shumë prej tyre drejt Evropës.

Depay nuk ka luajtur asnjë ndeshje pas Kampionatit Evropian. Holanda u eliminua nga Anglia në gjysmëfinale.

Ai ka thënë se ka marrë këshilla nga Neymari e Vinicius Juniori për t’iu bashkuar futbollit brazilian.

Depay karrierë ka bërë edhe te Manchester Unitedi, Lyoni dhe Barcelona, para se të transferohej tek Atletico Madridi.