Bloomberg: Një anije e nisur nga Durrësi me 800 ton mbetje toksike drejt Tajlandës

Autoritetet tajlandeze janë vënë në alarm, pasi pritet që 100 kontenierë të mbushur me mbetje të rrezikshme industriale që janë nisur nga Shqipëria pritet të mbërrijnë në portin e Tajlandës.

“Bloomberg” raporton se ishte një organizatë amerikane e quajtur “Basel Action Network”, e cila vuri në dijeni autoritete e Tajlanëdës lidhur me këtë ngarkesë të rrezikshme.

Fillimisht “Basel Action Network” informoi Malajzinë se kontenjerët e mbushur me pluhurin e fabrikave të përpunimit të çelikut ishin nisur drejt brigjeve malajziane.

Pas marrejes së lajmit autoritetet tajlandeze po bashkëpunojnë ngushtë me autoritete shqiptare dhe ato të Singaporit për të bërë të mundur ndalimin e kontenjereve që të mos ankorohen në portin e tyre.

Sipas asaj që raporton “Bloomberg” kontenjerët e nisur më 4 korrik nga Shqipëria pritej të ankoroheshin fillimisht më 31 Korrik në Cape Town në Afrikën e Jugut, por pas paralajmërimit të dhënë nga grupi ndërkombëtar i mbikëqyrjes “BAN”, në datën 31 korrik u fik GPS-i i anijes dhe ankorimi nuk u bë i mundur.

Është kompania Maeresk e cila ka konfirmuar tashmë se janë dy anijet e saj që po transportojnë 40 kontenierë të nisur nga Shqipëria, të cilët do të arrinin nëe Afrikën e Jugut, por që më pas u ankoruan në Trieste.

Anijet me 40 kontenierë janë planifikuar të të mbërrijë në portin Laem Chabang të Tajlandës më 20 gusht.

Ndërkohë që një tjetër anije me 60 kontenierë që është nisur po nga Durrësi dhe është po e kompanisë Maersk pritet të mbërrijë në Singapor fillimisht, e më pas do të niset drejt Tajlandës.

“Kukafshehti” me autoritetet

Deri më tani dihet që anijet janë nisur nga Durrësi dhe që destinacioni final do të jetë Tajlanda, por nuk dihet ende vendndodhja e tyre pasi pre 31 Korrikut anija “Maersk Campton” ka fikur sinjalin e transmetimit.

Vetë përfaqësuesit e kompanisë janë shprehur se  nuk është e pazakontë që anijet të çaktivizojnë transmetimin e vendndodhjes për shkak të shqetësimeve të sigurisë. Sipas Maersk, anija është aktualisht në Oqeanin Indian në rrugën e saj për në Singapor, me destinacion final Tajlandën.

Nga ana tjetër kreu i organizatës “BAN” thekson se fikja e GPS nga ana e kapitenëve të anijeve bëhet për të shmangur përgjegjësitë para ligjit, pasi janë të përfshirë në trafikimin e mbetjeve të rrezikshme.

Reagimi i autoriteteve shqiptare

Sa i përket rastit Autoriteti Doganor Shqiptar thekson se ka nisur një hetim ndëkrombëtar menjëherë pas njoftimit të mbërritur nga Sekretariati i Konventës se Bazelit për trafik mbetjesh toksike nga Shqipëria drejt Tajlandës. Menjëherë drejtoria Antitrafik pranë doganës Shqiptare është bërë pjesë e hetimit në bashkëpunim me OLAF.

Konfimorhet që anija është nisur nga porti i Durrësit dhe aps një ndalese në Trieste ka vijuar udhëtimin drejt Tajlandës, por aktualiosht nuk dihet saktësisht vendndodhja pas fikjes së GPS.

Ndërkohë mediat botërore raportojnë se ëhstë ndezur alarmi i kuq në të gjithë botën, dhe grupet për Drejtësinë Ambientale kërkojnë ndalimin e anijes dhe kthimin e saj në Europë, pasi bëhet fjalë për 816 tonë mbetje të rrezikshme.

/a.r