“Fast and Furious”/ Aksident i frikshëm në superstradën Fushë-Krujë-Thumanë, makina përfundon mbi ndarësen metalike, një prej të plagosurve drejt Traumës

Aksident në superstradën Fushë-Krujë-Thumanë. Ngjarja ndodhi në afërsi të Dervenit.

Një Mercedes me targa italiane me drejtues E.B., është përplasur me një ‘Ford’ me drejtues V.D.

Si pasojë e aksidentit është dëmtuar njeri nga drejtuesit e mjeteve. Nga goditja njëra nga makinat ka përfunduar mbi mbrojtëset metalike të rrugës.

I plagosuri është dërguar në spitalin e Traumës ndërsa drejtuesi i mjetit tjetër në qendrën shëndetësore Fushë-Krujë pasi është në gjendje shoku.