“Pse më ke zënë krevatin?”/ Zbardhen detajet, si ndodhi krimi në azilin e të moshuarve!

Detaje të reja dalin nga krimi i rëndë në azilin e të moshuarve ku një 78-vjeçar goditi për vdekje me bastun shokun e dhomës.

Raportohet se autori dhe viktima janë konfliktuar për krevatin. Ngjarja mësohet se ka ndodhur 04:00 të mëngjesit.

“Specialistët e Sektorit për Hetimin e Krimeve të Rënda në DVP Tiranë në bashkëpunim me Komisariatin e Policisë Nr. 1, arrestuan në flagrancë shtetasin Z. Sh., 78 vjeç, banues në një azil privat për të moshuarit, për veprën penale “Vrasja me dashje”, parashikuar nga neni 76 i Kodit Penal.

Ky shtetas dyshohet se, sot më datë 08.08.2024, rreth orëve të para të mëngjesit, për motive të dobëta, ka goditur disa herë me anë të një bastuni (shkop hekuri), shokun e tij të dhomës, shtetasin V. V., 82 vjeç, i cili si pasojë e dëmtimeve të marra ka humbur jetën.

Materialet i kaluan Prokurorisë”, njoftoi policia