Dzeko lavdëron Mourinhon: “Është fantastike të punosh me të”

Një natë për t’u mbajtur mend për Edin Dzekon. Sulmuesi boshnjak, i cili shënoi një hat-trick për Fenerbahçen në fitoren e tyre 4-3 kundër Luganos në ndeshjen e parë të raundit të dytë kualifikues të UEFA Champions League, foli për D-Smart pas fishkëllimës së fundit.

Për ndeshjen dhe rezultatin, sulmuesi tha: “Mund të them se ishte një ndeshje ndryshe. Luajtëm në një fushë sintetike. E nisëm ndeshjen ngadalë, pastaj mendoj se e nisëm më fuqishëm pjesën e dytë. Gjëja pozitive është se dolëm me fitore, jemi në një situatë të favorshme.”

I pyetur se si është të punosh me Jose Mourinhon, Edin Dzeko nuk kishte asnjë dyshim: “Mourinho dhe unë e njohim mirë njëri-tjetrin. Ne kemi punuar së bashku për një muaj, ai është një personazh i mrekullueshëm. Është fantastike që ai është në krye të Fenerbahçes”, përfundoi ai.

/ Sport