Arrestohet një 50-vjeçar për dhunë në familje e armëmbajtje pa leje

Njësiti i hetimeve të Stacionit Policor në Suharekë ka arrestuar 50-vjeçar, me inicialet N.G., nga fshati Duhel, për armëmbajtje pa leje dhe për një rast të dhunës në familje.

Gjatë kontrolleve, policia ka konfiskuar një pushkë gjysmë automatikë, një pistoletë, dhjetë fishekë të kalibrit 7.62, tre fishekë të kalibrit 7.65, dhe një karikator të pistoletës.

Sipas njoftimit të policisë, N.G. është dërguar në mbajtje për 48 orë me urdhër të Prokurorit të Shtetit dhe do t’i ngrihen akuzat për armëmbajtje pa leje dhe dhunë në familje.