VIDEO/ Hamasi e mbajti peng prej muajsh në Gaza, momenti prekës kur e reja izraelite ribashkohet me të atin

Forcat izraelite kanë arritur të shpëtojnë të gjallë 4 pengje izraelite që mbaheshin prej 7 tetorit në Gaza nga militantët e Hamasit. Nga ky operacion i IDF janë publikuar edhe pamjet e para. Në videon më poshtë është momenti kur një vajzë izraelite e mbajtur peng prej 8 muajsh në tunelet e enklavës palestineze, bashkohet me familjen e saj.

Pas lirimit, Noa Argamani, 25-vjeçarja, e rrëmbyet në festivalin Supernova nga militantët është ribashkuar me babain e saj pas rreth 8 muajsh.

Pamjet e takimit prekës janë bërë publike, ndërsa e reja është dërguar në spital së bashku me pengjet e tjerë për të kryer kontrolle të mëtejshme për shëndetin fizik./m.j