Biden do të vendosë sanksione ndaj më shumë se 500 objektivave në përgjigje të vdekjes së Navalnyt

Administrata Biden sot do të vendosë sanksione ndaj më shumë se 500 objektivave në përgjigje të vdekjes së kritikut të Kremlinit, Alexey Navalny, sipas një zyrtari të Thesarit.

Sanksionet vijnë gjithashtu një ditë para përvjetorit të dytë të pushtimit të Ukrainës nga Rusia, shkruan CNN.

Sanksionet do të jenë “kësti i vetëm më i madh që nga fillimi i pushtimit të mëtejshëm të Putinit në Ukrainë”, tha një zëdhënës i Departamentit të Thesarit në një deklaratë të enjten, dhe do të synojnë “Rusinë, fuqizuesit e saj dhe makinën e saj të luftës”.

Sanksionet do të vijnë si nga Thesari i ShBA-së ashtu edhe nga Departamenti i Shtetit, tha zëdhënësi.

Sanksionet shënojnë lëvizjen e fundit të administratës për të vendosur pasoja kundër Rusisë ndërsa tensionet mes dy vendeve rriten.

Përpara njoftimit, presidenti amerikan, Joe Biden tha se të premten do të vendoste sanksione drejtpërdrejt ndaj Putinit, i cili sipas tij ishte “përgjegjës” për vdekjen e Navalny.