Shpallet sot pretenca për Belerin, protestuesit kërcënojnë se do djegin flamurin grek për Vorio-Epirin

Ditën e sotme do të mbahet pretenca për kryebashkiakun e zgjedhur të Himarës, Fredi Beleri.

Disa qytetarë janë paraqitur para gjykatës dhe kërcënojnë se do të djegin flamurin e grekëve për Vorio-Epirin.

Personat të cilët kanë kërcënuar të djegin flamurin, janë identifikuar si Arilda Lleshi, Bledar Cakalli, piktor i muraleve për çështjet kombëtare dhe një person i tretë që  nuk pranon të identifikohet.

Personat janë prezantuar si aktivistë.

Ndërkohë në gjykatë kanë hyrë familjarët e Belerit, në pritje të nisjes së seancës.

/f.s