Shabani: Në krye të PD është një njeri që s’ka vuajtur në komunizëm, Berisha ishte pjesë e Bllokut

Kreu i nismës Thurje, Endri Shabani tha në “Barometri” në Euronews Albania se në krye të Partisë Demokratike është një njeri që nuk ka vuajtur në kohën e komunizmit.

Sipas tij Sali  Berisha, nuk ka vuajtur kurrë gjatë komunizmit, madje ai e ka pasur shtëpinë në zonën  e “Bllokut”.

“Demokratët e vërtetë kanë vuajtur në komunizëm? Po në krye të Partisë demokratike është një njeri që nuk ka vuajtur në komunizëm. Sali Berisha nuk ka vuajtur, ka qenë mjek, ka qenë në bllok, por ai është demokrat i vërtetë. Mbase pyetja është çfarë është demokrati i vërtetë?”,-tha Shabani.

/f.s