Federata e opozitës/ Duka shpërthen ashpër ndaj Berishës: Nuk fitohet kështu zotëri!

Kryetari i Partisë Agrare Ambientaliste, Agron Duka komentoi në emisionin Now në Euronews Albania idenë e konfederatës së opozitës të propozuar nga kreu i Partisë Republikane Fatmir Mediu.

Duka tha se qëllimi i kësaj federate është shumë i mirë, pasi është e vetmja mënyrë për të arritur një fitore, në të kundërt opozita nuk ka asnjë shpresë.

Nëse ata që kanë qenë lider të Partisë Demokratike nuk e duan këtë bashkim, le të rrinë vetëm. Kështu gjykon Duka, ndërsa thotë se kjo është forma se si e ka perceptuar ai një federatë të opozitës.

“Unë kam shkuar me këtë mendim, që ta pjekim si ide dhe ta çojmë më tej. Është shumë e vështirë, por jo e pamundur.

Në gjendjen që jemi unë nuk shoh asnjë zgjidhje tjetër. Edhe fakti që mediat dhe aktorët kryesore politikë shqiptar po merren me këtë do të thotë që ja ka vlejtur ky lloj propozimi”, – u shpreh Duka./m.j