Leclerc përplaset në nxemje, Ryanair i rezervon biletën për tu yshtur: “Të duhet një fluturim për Lourdes?”

Ironia, shpesh e dhimbshme, ka qenë gjithmonë një nga tiparet dalluese të marketingut social të Ryanair. E këtë herë ishte Charles Leclerc ai që përfundoi në shënjestër të linjës ajrore irlandeze. Piloti i Ferrarit, pas aksidentit të bujshëm në xhiron e nxemjes të GP në Brazil, kishte vënë në dukje me hidhërim nevojën e një udhëtimi për tu yshtur në Lourdes, për të dalë nga një moment i ndërlikuar. E ekipi i komunikimit i Ryanair shfrytëzoi rastin: “Ju duhet një udhëtim në Lourdes, Charles?”, ishte mesazhi i postuar në X dhe i shoqëruar me një imazh të biletës së aeroplanit gati.

Detajet, në këtë rast, bëjnë diferencën. Kuponi ka përparësi në imbarkimin, sepse nuk ka kohë për të humbur. E vendi i caktuar është 16F, si numri i makinës së Charles (Ferrari). Kodi i referencës? “1NCID3NT7”, e cila kujton motivimin e udhëtimit…

Lexo më tej: Konsulenti i Red Bull, Marko, jep lajmin bombë: “Leclerc mund të largohet nga Ferrari, ka një klauzolë”

TWEET I RYANAIR

Serve un passaggio per Lourdes, Charles? https://t.co/JUAGWQREoU pic.twitter.com/CEvcsiQ2tN

— Ryanair Italia (@Ryanair_IT) November 6, 2023

Lourdes ka qenë një vend i shenjtë dhe pelegrinazhi i rëndësishëm që nga viti 1858, kur Virgjëresha Mari iu shfaq vajzës 14-vjeçare Bernadette Soubirous. Qyteti pranon një numër impresionues prej 5 milionë pelegrinë dhe vizitorë çdo vit. Kjo e bën Lourdes faltoren më të vizituar të krishterë në botë.