Xavi, akuza të rënda kundër Blancos: “Mediat favorizojnë Real Madrid, për ne shpikin gjëra”

“Nëse shikojmë arkivat e gazetave, gjejmë ligësinë, dopingun… por le të shohim realitetin. Madridizmi sociologjik ekziston, sigurisht që ekziston”. Pikërisht me këto fjalë Xavi prezantoi ndeshjen e radhës në kampionat ndaj Athletic Bilbaos, ndeshje që përgatit Barcelonën për tu përballur në El Clasico kundër Real Madrid. Më pas trajneri iu referua fjalëve të presidentit të klubit, Joan Laporta, i cili kohët e fundit kishte sulmuar mediat, duke sjellë në vëmendje edhe vetë Blancos.

Rasti bëri zhurmë të madhe këtë javë dhe erdhi nga presidenti i Barcelonës Laporta. Duke folur në një intervistë, numri 1 katalanas kishte përmendur fuqinë e pretenduar mediatike të Real Madrid, falë të cilit klubi spanjoll do të merrte një masë të konsiderueshme favorizimi. Si në fushë ashtu edhe jashtë saj. E tani, pozicionimi i Xavi i hedh benzinë këtij argumenti: “Jam 100% me presidentin Laporta, por brenda dhomave të zhveshjes nuk flitet për këtë. Nuk e flasim. Këtto lloj situatash janë destabilizuese, ekstrasportive. Unë preferoj të flas për futboll”.

Lexo më tej: Laporta akuzon Real si ‘pallati i pushtetit’: “Në Madrid vuajnë sepse jemi më të mirë”

Pastaj ai zbuloi një episod tjetër interesant: “Kur isha lojtar, thuhej se ne përdornim doping sepse ishim mirë dhe fitonim vazhdimisht. Por merreni pak me mend… shpikjet e kujt ishin këto? Të një gazete në Madrid”.

𝚃𝙷𝙴 𝙻𝙾𝚆𝙳𝙾𝚆𝙽: 𝙴𝚟𝚎𝚛𝚢𝚝𝚑𝚒𝚗𝚐 𝚢𝚘𝚞 𝚗𝚎𝚎𝚍 𝚝𝚘 𝚔𝚗𝚘𝚠 𝚊𝚋𝚘𝚞𝚝 𝙰𝚝𝚑𝚕𝚎𝚝𝚒𝚌 𝙲𝚕𝚞𝚋 𝙱𝚒𝚕𝚋𝚊𝚘#𝙱𝚊𝚛𝚌̧𝚊𝙰𝚝𝚑𝚕𝚎𝚝𝚒𝚌https://t.co/Zu4UwotPqU

— FC Barcelona (@FCBarcelona) October 22, 2023