Anglia humb një ‘Sir’: ndahet nga jeta legjenda e Manchester United Bobby Charlton

Futbolli anglez mban zi për humbjen e Bobby Charlton. Legjenda e Anglisë dhe Manchester United ka ndërruar jetë në moshën 86-vjeçare pas një beteje me demencën. Sir Bobby, i cili bëri 758 paraqitje për Djajtë e Kuq dhe koleksionoi 106 ndeshje ndërkombëtare, vdiq në paqe këtë mëngjes i rrethuar nga familja e tij. Ai la pas gruan e tij Lady Norma, dy vajzat e tyre Suzanne dhe Andrea dhe nipërit e mbesat. Pas vdekjes së tij, Sir Geoff Hurst, shënuesi i trigolëshit të famshëm në fitoren 4-2 të Anglisë ndaj Gjermanisë Perëndimore në Wembley, është tani i vetmi anëtar i ekipit kampion bote të vitit 1966 ende në jetë.

Sir Bobby Charlton, legjenda e Manchester United i cili ishte një figurë kyçe në fitoren e Anglisë në Kupën e Botës 1966, ka humbur betejën e tij me demencën në moshën 86-vjeçare. Charlton luajti 106 paraqitje për Anglinë dhe shënoi 49 gola ndërkombëtarë – rekord për vendin e tij në atë kohë. Gjatë një karriere 17-vjeçare në ekipin e parë me United, ai fitoi tre tituj kampion, një Kupë Kampionësh dhe një FA Cup.

KËRKESA E FAMILJES

Familja e Charlton tha se ai “kaloi qetësisht përtej në orët e para të mëngjesit të së shtunës”. Ai u nda nga jeta i rrethuar nga familja e tij, e cila tha në një deklaratë se dëshirojnë të “transmetonin falënderimet e tyre për të gjithë ata që kanë kontribuar në kujdesin e tij dhe për shumë njerëz që e kanë dashur dhe mbështetur atë. Ne kërkojmë që në këtë moment të respektohet privatësia e familjes”, thuhet në deklaratën e tyre.

NJË GJIGANT I LOJËS

United i bëri një respektin Charlton, duke e përshkruar atë si “një nga lojtarët më të mëdhenj dhe më të dashur në historinë e klubit tonë. “Sir Bobby ishte një hero për miliona njerëz, jo vetëm në Mançester apo në Mbretërinë e Bashkuar, por kudo ku luhet futboll në mbarë botën”, tha klubi. “Ai u admirua po aq për sportivitetin dhe integritetin e tij, sa edhe për cilësitë e tij të jashtëzakonshme si futbollist. Sir Bobby do të mbahet mend gjithmonë si një gjigant i lojës”.

Sir Bobby Charlton CBE, 1937-2023.

Words will never be enough.

— Manchester United (@ManUtd) October 21, 2023