Inter, një thesar i vjen nga Champions: arkëtimi për 2 ndeshjet është i pabesueshëm

Inter ka luajtur vetëm 2 ndeshje në Champions League këtë sezon, por fitimi neto i klubit është vërtet i jashtëzakonshëm. Skuadra zikaltër në këtë start të aventurës europiane ka bërë llogaritë e habitshme: në arkat e Zhang janë futur shuma marramendëse. Në fakt, siç shkruan Calcio e Finanza, Inter ka përfituar tashmë 45 milionë, që nga fillimi i Champions League. Praktikisht një thesar.

FAKTORËT QË E BËN TË MUNDUR

* bonusi i pjesëmarrjes, i njëjtë për të gjitha italianet, 15.64 milionë euro.
* renditja historike/dhjetëvjeçare, që llogarit një buxhet prej 600 milionë eurosh i ndarë mes të gjithë konkurrentëve: Inter ka të drejtën e 20.5 milionë euro.
* market pool 1, me shumën e 3.4 milionë eurove dhe market pool 2, qe shton 2.3 milionë të tjera.
* bonusi i rezultateve prej 3.73 milionë.

Lexo më tej: Si askush në Serie A, financimi më i madh për Zhang… tifozët: bilanci i Inter flet qartë

Totali është 45.53 milionë dhe është një thesar i destinuar qartësisht të rritet. Kjo për faktin se Inter do të luajë me siguri të paktën 4 ndeshje të tjera në grup. Më pas, në bazë të kualifikimit të skuadrës së Inzaghit për fazën me eliminim direkt, Inter do të arkëtojë më shumë para. Një Champions League që i bën të pasur ata që e luajnë dhe mbi të gjitha ata që ecin përpara.