Napoli tani luan poker: Osimhen futet si zëvendësues e shënon, dërrmohet Lecce

Napoli triumfoi në Via del Mare duke mposhtur 4-0 Lecce në ndeshjen e parë të javës së shtatë të Serie A. Kampionët e Italisë kaluan në epërsi në pjesën e parë me një goditje me kokë të Ostigardit. Goli i tij i parë me fanellën e të kaltërve për lojtarin. Napoli pastaj dyfishoi në pjesën e dytë me Osimhen, i mbajtur fillimisht në pankinë nga Garcia. Në fund Gaetano i sapofutur dhe Politano (me penallti) vulosën rezultatin. Me këtë sukses napoletanët ngrihen në 14 pikë dhe afrohen pranë Inter dhe Milan. Me 11 pikë, Lecce humbet rekordin e tyre të pathyeshmërisë në shtëpi dhe pëson humbjen e dytë radhazi pas asaj në Torino kundër Juves.

Një paralajmërim për Real. Katër zile të tjera të Napoli i japin një sinjal të fortë kampionatit. E gjithashtu edhe skuadrës së Carlo Ancelotti, që vjen të martën në stadiumin Maradona tashmë të “tejmbushur”. Garcia madje e la jashtë Osimhen në fillim, por zgjedhjet e francezit janë të gjetura. Kampionët e Italisë, më në fund, gjetën ritmin e denjë për stemën e kampionatit që mbajnë në gjoks.

Lexo më tej: Video/ Çështja Osimhen, ndërhyn qeveria nigeriane me Enoh: “Duam të garantohet respekti i sportistëve tanë”

Lecce, e mposhtur për herë të parë në shtëpi, tentoi të luante një ndeshje agresive, por nuk mjaftoi. Napoli e cilësia e skuadrës doli në pah në mënyrë dërrmuese. E nga mbrëmja e së dielës, sido që të përfundojë përballja e drejtpërdrejtë Atalanta-Juventus, Napoli do të rikthehet në zonën e Champions League.