Astronauti i NASA-s thyen rekordet, ndjen gravitetin pas më shumë se 1 viti në hapësirë
Astronauti i NASA-s, Frank Rubio, është kthyer në Tokë pasi vendosi rekordin e qëndrimit në hapësirë. Rubio ndjeu tërheqjen e gravitetit në trupin e tij pasi qëndroi në ISS për më shumë se një vit.
Kapsula me të cilën po zbrisnin Rubio dhe dy kolegët e tij rusë, kozmonautët, Sergey Prokopyev dhe Dmitri Petelin u lëshua me parashutë në Kazakhstan të mërkurën.
Mbërritja e ekipit në Tokë shënon fundin e një udhëtimi të gjatë dhe të paplanifikuar për Rubio-n, i cili duhej të kishte kaluar gjashtë muaj në Stacionin Ndërkombëtar Hapësinor.
Por, rezultoi se i duhej të qëndronte në hapësirë për 371 ditë pas zbulimit të një rrjedhjeje te ftohësit. Defekti u zbulua në mjetin që shërbeu për ta çuar atë në hapësirë.
Qëndrimi i Rubios vendosi një rekord të ri për kohën më të gjatë që një astronaut amerikan ka kaluar ndonjëherë në mikrogravitet. Ai gjithashtu u bë amerikani i parë që kaloi një vit të tërë kalendarik në orbitë.
Misioni i tij i thyerjes së rekordeve shënoi edhe fillime të tjera të dukshme për Rubio: Ky ishte udhëtimi i tij i parë në hapësirë pasi u zgjodh për korpusin e astronautëve të NASA-s në vitin 2017, dhe në fillim të misionit, ai u bë astronauti i parë me origjinë nga Salvadori që udhëtoi në orbitën e ulët të Tokës./f.s
#Astronauti #NASAs #thyen #rekordet #ndjen #gravitetin #pas #më #shumë #viti #në #hapësirë
