Më në fund/ Rama dhe Kurti takohen në Slloveni (FOTO)

Kryeministri Edi Rama ka shkuar në kryeqytetin e Sllovenisë, Lubjanë, në vigjilje të Forumit Strategjik të Bledit, që do të mbahet ditën e nesërme. Lajmin e bëri të ditur vetë Rama përmes një reagimi në Facebook, ku ka ndarë edhe disa foto nga takimi. Rama është pritur nga kryeministri i vendit Robert Golob, ku është takuar edhe me presidentin e Këshillit Europian, Charles Michel dhe kolegë të tjerë të rajonit, mes të cilëve edhe kryeministri Albin Kurti.

“Lubjanë, Slloveni – Në darkën e mikëpritjes së Kryeministrit të Sllovenisë, Robert Golob, me Presidentin e Këshillit Europian, Charles Michel, e me kolegët e rajonit në vigjilje të Forumit Strategjik të Bledit nesër” – shkroi Rama në rrjetet sociale.

Rama nuk ka bërë ndonjë koment për shtrëngimin e duarve me Kurtin, por ka publikuar foton e shtrëngimit të duarve. Përplasja mes tyre nisi pas anulimit nga Rama të mbledhjes së përbashkët të qeverive në Gjakovë. Më pas Kurti nuk e priti Ramën gjatë vizitës së tij në Prishtinë. Kurti nuk mori pjesë as në një takim që Rama kishte organizuare në Tiranë, por dërgoi aty zv.kryeministrin. ©