Cucurella kritikon kalendarin e ngarkuar: Lojtarët e futbollit nuk janë robotë!

Mbrojtësi i Chelseat dhe Spanjës, Marc Cucurella, është shprehur i pakënaqur me numrin e ndeshjeve në sezonin 2024/25.

“Shumë ndeshje. Ne nuk jemi robotë. E patë sa lojtarë u lënduan, duke përfshirë Dani Carvajal dhe Rodri. Është keq,” tha Marc Cucurella për mediat në Spanjë.

Mesfushori i Manchester Cityt, Rodri dhe mbrojtësi i djathtë i Real Madridit, Dani Carvajal janë jashtë për periudha të gjata me dëmtim të ligamentit të gjurit.

Më parë, Cucurella dhe futbollistë të tjerë elitarë kanë kritikuar kalendarin e ngjeshur me shumë ndeshje, që është një nga temat e nxehta mes lojtarëve në sezonin e ri.

/ Sport