“Simbol i mirësisë dhe buzëqeshjes”, Ljarja për Margarita Xhepën: Një aktore e përkushtuar!

Lajmi i ndarjes nga jeta të yllit të kinematografisë shqiptare Margarita Xhepa ka trishtuar të gjithë opinionin publik. Aktorja e njohur Marjeta Ljarja, në një lidhje direkte në Klan News e quan Xhepën një simbol të mirësisë dhe buzëqeshjes.

Ljarja shton se ajo ishte një aktore shumë e përkushtuar dhe ndihmuese për të gjithë të rinjtë që nuk kishin shumë eksperiencë.

“Do të ruajmë shumë kujtim në punët e bukura që ka ajo qoftë në film qoftë në teatër, Margarita do të thoja që është simbol i mirësisë, i buzëqeshjes. Gjithmonë na ka parë me dashamirësi për të na ndihmuar se natyrisht kemi filluar kur Margarita ishte në kulmin e vetë dhe unë sapo kisha mbaruar shkollën. Një aktore që cilësinë e saj e dinë të gjithë spektatorët, por unë gjithmonë do të mbaj mend atë mirësinë e saj pafund. Ka qenë shumë e përulur dhe shumë e përkushtuar. Gjithmonë shumë ndihmuese”, shprehet aktorja Marjeta Ljarja.

Ndër të tjera aktorja kutjon edhe momentin e vizitës në spital, teksa shton që edhe pse në gjendje jo të mirë shëndetësore buzëqeshja nuk mungonte në fytyrën e saj.

“Nuk ishte mirë dhe moment i vështirë kur të dyja me aktoren tjetër gjigande Tinka Kurti ishim të dyja në të njëjtin pavion në spital. Shumë e trishtë ishte. Isha me Roza Anagnostin, shumë e trishtë, por përsëri edhe aty me buzëqeshje na përcolli”, theksoi Ljarja.