Vriten 70 njerëz në Siri

Forcat e lidhura me sundimtarët e rinj të Sirisë janë përfshirë në luftime të ashpra me luftëtarët besnikë të presidentit të rrëzuar, Bashar al-Assad në një zonë bregdetare të vendit.

Kjo është dhuna më e përshkallëzuar në Siri që kur rebelët rrëzuan Asadin në dhjetor dhe vendosën një qeveri tranzicionale islamike, shkruan BBC.

Një grup monitorues i luftës, Observatori Sirian për të Drejtat e Njeriut me bazë në Britani, tha se më shumë se 70 njerëz janë vrarë.

Një shtetrrethim është vendosur në qytetet port, Latakia dhe Tartous, ku kanë shpërthyer luftimet.