Kosova të anëtarësohet sa më shpejt në Këshillin e Europës –

Ministri për Europën dhe Punët e Jashtme Igli Hasani në 30 vjetorin e anëtarësimit të Shqipërisë në Këshillin e Europës ka pritur këtë të premte në zyrën e tij, Sekretarin e Përgjithshëm të KE Alain Berset.

Ministri Hasani shkruan në rrjetet sociale se në këtë takim ka theksuar që Kosova duhet të anëtarësohet sa më shpejt në Këshillin e Europës pasi e ka merituar prej kohësh.

‘I kënaqur për të mirëpritur @alain_berset, Sekretar i Përgjithshëm i Këshillit të Evropës, ndërsa shënojmë 30 vjetorin e anëtarësimit të Shqipërisë në @coe. Vlerësojmë njohjen e progresit të Shqipërisë në forcimin e demokracisë, sundimit të ligjit dhe të drejtave të njeriut, si dhe rolin tonë aktiv në organizatat ndërkombëtare dhe mbështetjen për Ukrainën. I nënvizova SG Berset se anëtarësimi i merituar prej kohësh i Kosovës në Këshillin e Evropës duhet të ndodhë pa vonesë. Shqipëria mbetet e palëkundur në mbështetjen e saj, duke e parë atë si vendimtare për stabilitetin rajonal dhe promovimin e demokracisë dhe të drejtave të njeriut“, shkruan Hasani.