Si i morëm 500 mijë euro dhëndrit të Agron Dukës –

Gjakftohtë, i penduari i drejtësisë, Nuredin Dumani rrëfeu brenda gjykatës Antikorrupsion grabitjet ku ka qenë pjesëmarrës me bashkëpunëtorët e tij të dikurshëm në krim.

Tronditëse ishte dëshmia e tij për episodin e grabitjes së gjysëm milioni euro, dhëndrit të deputetit të Partisë Agrare Ambientaliste.

“Po, në Shijak dhe në Vilbashtovë. Shtëpia ishte e dhëndrit të Agron Dukës. Sipas Dorian Shkozës dhe kishte mbi 500 mijë euro aty. Grabitja është bërë me makinën time tip ML. I kam heq targat dhe pjesë që të mos dukej se është e imja”, tha Dumani.

Nga rrëfimet e bashkëpunëtorit të drejtësisë, është hedhur dritë mbi ngjarje të rënda kriminale të pa zbardhura të 12 viteve të fundit.