Carlo Ancelotti: Kam filluar të luaj futboll 48 vjet më parë dhe falë këtij sporti, jam ende gjallë

Trajneri i Real Madridit, Carlo Ancelotti, ka komentuar fitimin e çmimit të FIFA-s për trajnerin më të mirë të vitit 2024.

“Dua ta ndaj këtë me klubin, me presidentin tim dhe me lojtarët e mi, lojtarët e klubit më të mirë në botë. Ata nuk më dëgjojnë gjithmonë, ky është një mit, por unë u jam shumë mirënjohës atyre”, tha fillimisht Ancelotti.

“Kam filluar të luaj futboll 48 vjet më parë dhe më ka dhënë shumë emocione pozitive, pak negativitet, por falë këtij sporti, unë jam ende gjallë dhe kam një jetë të gjatë përpara”, tha Ancelotti.

Specialisti italian 65-vjeçar fitoi La Ligën, Ligën e Kampionëve dhe Superkupën e Spanjës me Real Madridin sezonin e kaluar. Në gusht 2024, Real Madrid triumfoi ndaj Atalantës (2-0) në finalen e Superkupës së UEFA-s.

/ Sport