Mo Salah rinovon kontratën me Liverpool?

Mohamed Salah mund të ketë rinovuar tashmë kontratën e tij me Liverpool-in, ose të paktën të ketë arritur një marrëveshje me klubin për të, sipas një postimi të fshehtë nga analisti i beIN Sports, ish-futbollisti dhe miku i Salah, Haitham Farouk.

Ai ka postuar në llogarinë e rrjetit social X, e cila numëron mbi 1.5 milionë ndjekës, një postim me një foto të Mohamed Salah, e cila është shoqëruar me këtë tekst: “Urime për rinovimin e kontratës për rrogën dhe kohëzgjatjen që dëshironit. Mbreti egjiptian vendos vendimet e tij”, transmeton Sport.

Postimi i Haitham Farouk u bë një hit i vërtetë mes tifozëve të Liverpool-it, të cilët janë të bindur se Salah do të qëndrojë në Anfield edhe përtej këtij sezoni.

Kontrata aktuale e Mohamed Salah me Liverpool skadon në fund të sezonit dhe nëse nuk rinovohet deri në fund të vitit kalendarik 2024, faraoni do të jetë në gjendje të negociojë me klubet e tjera për një marrëveshje paraprake për një transferim falas në verë.

مبروك عليهم تجديد عقدك بالرقم الذي تحبه والمدة التى تريدها .
الملك المصري يحكم بأحكامه . pic.twitter.com/QnbONcL0vl

— Haytham Farouk (@HaythamFarouk) December 4, 2024

/ Sport/