VIDEO / Dalin sërish pas shumë vitesh pamjet e fshira nga vila e Metës te Gjiri i Lalzit

Dalin sërish pamjet televizive të realizuara vite më parë të vilës luksoze të Monika Kryemadhit dhe Ilir Metës.

Bëhet fjalë për pamjet e reportazhit televiziv të gazetares Sonila Meço me Kryemadhin tek vila e tyre luksoze në Lalz. Të gjithë e dinë se familja kalonte fundjavat, muajt e verës dhe në këtë vilë.

Çuditërisht pamjet e këtij reportazhi u zhdukën menjëherë dhe u shfaqën më kurrë, duke përfituar dhe nga mbyllja e Agon Channel.

Vila luksoze e Metës në Gjirin e Lalzit ka një hapësirë  2000 m2 oborr me ullinj dhe palma, të cilat për shkak të madhësisë së tyre ishin transportuan me helikopter, ndërsa në brendësi ka 11 tualete, madje njëri ishte specifik për nevojat personale të maces.

Kjo e fundit është bërë dhe objekt akuzash nga politikanë të ndryshëm ndaj Metës.

Vetëm mobilimi i vilës kishte kushtuar mbi 400 mijë euro, ndërkohë që një vilë e ngjashme me të për nga përmasat ishte nxjerrë në shitje me një vlerë prej 5 milionë eurosh.

Por menjëherë pas transmetimit të emisionit, ku Kryemadhi me zë dhe figurë i tregonte gazetares Sonila Meço të gjitha asetet e ndërtesës së tyre luksoze, arrendimin dhe bukurinë e saj, pamjet e vilës u zhdukën nga adresat dhe në youtube.

Por përpos zhdukjes së reportazhit televiziv nga motori i kërkimit “google”, ajo që ka bërë përshtypje më shumë ka qenë fakti se është “zhdukur” dhe vetë vila në Gjirin e Lalzit, nga deklaratat e pasurisë së Metës dhe Kryemadhit.

Në një vëzhgim të hollësishëm të pasurisë së Metës dhe Kryemadhit që nga vitit 2003 deri në vitin 2018, vihet re se në deklarimet pranë ILDKPKI-së, vila luksoze e tyre në Gjirin  e Lalzit nuk figuron.

Në të gjitha shpjegimet e dhëna në deklaratën e tyre të pasurisë për vilën dykatëshe dhe luksoze me një sipërfaqe prej 317 metra katrorë në Gjirin e Lalzit, s’ka të dhëna, duke e zhytur në mister zhdukjen e tërë kësaj vile, e cila vetëm oborr ka një sipërfaqe prej 2 mijë metrash, të mbushura me palma, të cilat janë sjellë aty nga ajri, me helikopterët e shtetit.

“Kontratë sipërmarrje me kompaninë Lura shpk, pa vlerë të specifikuar, për një apartament me sip. totale 317.33 m2”, deklaron Kryemadhi pranë ILDKPKI-së, kohë më parë, pa dhënë asnjë detaj se ku ndodhet, vlerën apo ndonjë të element tjetër konkret.

Nga radar.al

VIDEO: