Palmer: Duhet të kisha realizuar pesë ose gjashtë gola

Cole Palmer shkëlqeu sot me paraqitjen e tij ndaj Brightonit, në fitoren e Chelsea.

Palmer realizoi katër gola në triumfin 4-2 të londinezëve.

Në një intervistë pas ndeshjes ai tha se duhet të kishte shënuar më shume se katër gola.

“Duhet të kisha realizuar pesë ose gjashtë gola!”.

“Kur humba rastin e parë u mërzita, por me mënyrën se si ata luajtën dhe vendosjen e tyre lartë, ndjeva se do të kishim më shumë shanse”, tha anglezi.

Futbollisti i kombëtares së Anglisë deri më tani në Premier League ka shënuar gjashtë gola dhe ka dhuruar katër asistime.