“Komunitetet e tjera kanë qendrat e tyre”, Rama: Bektashinjtë si jetimë. Bëhet fjalë për pasuri kombëtare!

Me ftesë të aktivistit të njohur shqiptar dhe kreut të Këshillit Kombëtar të Diasporës, kryeministri Edi Rama zhvilloi një bashkëbisedim me përfaqësuesit e 100 shoqatave të shqiptarëve të Amerikë.

Rama foli për krijimin e shtetit Bektashi, ku tha se komunitetet e tjera kanë qendrat e tyre, ndërsa bektashinjtë janë si komunitet jetim. Më tej ai theksoi se komuniteti bektashi është pasuri kombëtare për vendin tonë.

“Prej kaq shumë vitesh jam mësuar që kur kanë diçka të re, ose kur flas për një projekt të ri, dëgjoj çudira por si këtë herë asnjëherë. Kam dëgjuar çudira të jashtëzakonshme. Unë pyes denjësisht, çfarë përfaqëson historinë e kombit tonë, çfarë roli ka pasur dhe çfarë pasurie e madhe është. Unë vetë jam katolik, kam fatin që gruan ta kem myslimane dhe dy fëmijët janë ortodoks. Në këtë aspekt, të më thuash shtet islamik… E dyta, kjo çfarë përfaqëson urdhri i bektashinjve, janë tre komunitete të tjera, mysliman, krishterë dhe ortodoks. Çfarë i bashkon këto? Të tjera janë pjesë e komuniteteve shumë të mëdha. Ndërsa ky tjetri është si komunitetet jetim. Atëherë, këto tre të tjerët kanë jetën e tyre, hapësirën e madhe, rrugën e tyre të sigurt.

Kemi ne interes kombëtar apo t’ia lëmë fatit. Për pak dekada do ketë njerëz të zakonshëm që do i përkasin për shkaqe historike. Të tjerët i shkollojnë priftërinjtë në vendet e botës. Këtu bëhet fjalë për pasuri kombëtare”, tha Rama.

Top Channel