Plas polemika/ Ish-senatori italian: Rama të na dëmshpërblejë vjedhjet e 20 viteve

Vijon të shkaktojë polemika në mediat dhe politikën italiane vendimi i kryeministres Giorgia Meloni për të paguar faturën e 4 turistëve që u larguan me vrap nga restoranti në Berat. Ai që ka tërhequr më së shumti vëmendje së fundmi është një deklaratë e ish-senatorit të PD, Tommaso Cerno që tashmë drejton gazetën “L’Identita”.

I ftuar në kanalin italian Tg4 ai e ka deklaruar se gjesti i Melonit është i pavend, por ai ka shpërthyer ndaj kryeministrit Rama duke kërkuar që edhe Shqipëria të dëmshpërblejë vjedhjet që shqiptarët kanë bërë në shtëpitë e italianëve. Nëse do të ndodhte kjo sipas tij, do të falimentonte shteti shqiptar.

Tommaso Cerno ospite di @stefaniacav al Tg4

“L’importante è che adesso il premier Rama, dica al suo ambasciatore di risarcire anche l’Italia per i 20 anni di furti…” pic.twitter.com/oP4P32vs5N

— Tommaso Cerno (@Tommasocerno) August 20, 2023

“E rëndësishme është që kryeministri Rama t’i thotë tani ambasadorit të tij të dëmshpërblejë edhe Italinë për 20 vitet e vjedhjeve,” – tha ai ndër të tjera. Kjo deklaratë ka shkaktuar edhe reagimin e këngëtarit Ermal Meta, dy herë fitues i Sanremos.

“I dashur Tommaso, me sa duket antenat e drejtuara nga Perëndimi, (drejtimi i vetëm i mundshëm) i kanë mësuar disa njerëz të jenë të pandershëm. Vendet e zakonshme shpesh maskohen, por sapo kalon një situatë dhe ngrysin vetullat reagojnë veten për atë që janë. Që janë të vegjël. Dhe më vjen keq sepse mendoj se jeni një njeri shumë inteligjent” – shkroi Meta.

Caro Tommaso, evidentemente le antenne dirette verso Ovest (l’unica direzione possibile) hanno insegnato ad alcuni il malaffare. Spesso i luoghi comuni si travestono da ironia, ma è quando si accigliano che si mostrano per quello che sono. Cioè poco. E mi dispiace perché penso…

— Ermal Meta (@MetaErmal) August 20, 2023

Një reagim mbi këto polemika ka bërë edhe gazetarja dhe aktivistja shqiptare që jeton në Itali, Anita Likmeta.

“Shqiptarët, e sidomos fëmijët kanë paguar një çmim të lartë për mënyrën sesi mediat italiane i kanë trajtuar. Për vite me radhë na keni bërë të ndihemi të pavlerë. Ishim pa shtetësi, si hije të tmerruara nga paragjykimi që përgatitej transmetohej çdo ditë në media”, – thotë Likmeta që shton se ajo thotë se qeveria shqiptare nuk i detyrohet asgjë Italisë.

Io sono quella albanese di cui lei parla. Avevo 11 anni quando sono arrivata in #Italia. Gli albanesi, soprattutto noi bambini/e, abbiamo pagato un prezzo altissimo per quello che la stampa italiana, quindi quelli/e come lei, ci avete inflitto. Ci avete fatto sentire per anni… https://t.co/tsOmLRCOTb

— Anita Likmeta (@nitalikmeta) August 20, 2023

“Nëse duhet të vazhdojmë këtë debat, p.sh duhet të ketë shpjegim për vdekjen e 103 shqiptarëve të dëshpëruar që u mbytën në kanalin e Otrantos dhe ende sot nuk kanë marrë drejtësi. Kryeministri Rama bëri shumë mirë që e la Melonin të shijonte antipastën e asaj urrejtjeje dhe paragjykimesh, viktima të së cilës kemi qenë ne shqiptarët në Itali dhe në botë”, – shkruan Likmeta.

Këtë të hënë ka reaguar edhe ish-kryeministri italian Matteo Renzi që ka akuzuar Melonin se ka përdorur ambasadën në Tiranë për të paguar faturën e italianëve në Berat. ©