Legjenda e Milanit ‘sulmon’ Ibrahimovicin: Nuk tregon cilësi drejtuese

Mbrojtësi legjendar i Milanit, Mauro Tassotti, ka folur në Radio Anch’Io për drejtimin e klubit dhe ka sulmuar drejtuesit aktual të udhëhequr nga Zlatan Ibrahimovic.

Performanca e dobët e kuqezinjve në Serinë A kulmoi me një barazim 0-0 kundër Genoas në San Siro në 125 vjetorin e themelimit të klubit.

“Të jesh lojtar është një tjetër gjë, të jesh menaxher është një tjetër. Sidomos me këto përgjegjësi, edhe nëse detyrat e tij nuk janë shumë të qarta. Ibrahimovic ka nevojë gjithashtu për përvojë, të cilën ai nuk e ka. Ai me të vërtetë mëson në lëvizje dhe kështu rreziku i gabimeve është shumë më i madh”, tha Tassotti.

“Ka pasur probleme edhe në kohën time. Dhe ato zgjidhen me rezultate. Liderë të dëshmuar, si Ariedo Braida dhe Adriano Galliani, janë sulmuar gjithashtu kur gjërat nuk shkonin mirë. Kjo është diçka krejt normale. Por deri vitin e kaluar, Milani luante futboll, ndryshe nga tani”, përfundoi Mauro.

/ Sport