Raporti i KLSH ‘nxin’ Bashkinë Fier: Furnizoi me naftë makinat e punonjësve

KLSH ka publikuar raportin e auditimit të Bashkisë Fier, ku në të janë konstatuar disa shkelje. Sipas KLSH-së, kryetari i Bashkisë Fier, Armando Subashi, ka vjedhur naftën e blerë për bashkinë.

Në raport thuhet se Bashkia ka furnizuar me karburant makinat personale të punonjësve, të cilët nuk dalin në terren, por kanë për të kryer detyra vetëm në zyra. Sipas raportit 120 punonjës në periudhën 2017-2021 kanë shpenzuar 81.450 litra karburant. KLSH thekson se dëmi për këtë abuzim kap vlerat 130 milionë lekë (te vjetra).

“Nga auditimi i konsumit të karburantit, konstatohet se Bashkia Fier ka nënshkruar kontrata hua-përdorimi me disa nga punonjësit e saj, për përdorimin e mjeteve të tyre. personale në funksion të bashkisë. Për këtë qëllim Bashkia Fier ka mbuluar furnizimin me karburant të mjeteve private të punonjësve”, thuhet në raport.