Erion Veliaj bëhet xhaxha: I lumtur për Nëna Shqipen, pas 72 ditëve pas burgosjes sime pa gjyq, pati mundësinë të ngjiste copat e thyera të zemrës

Kryetari i bashkisë së Tiranës, Erion Veliaj ka dhënë lajmin se është bërë xhaxha, pasi vëllai i tij, Arbi është bërë babai i një vajzë, të cilës i kanë vënë emrin Avril.

Veliaj ka reaguar me anë të një postimi në Facebok, duke u shprehur tepër i lumtur.

Ndër të tjera, Veliaj thotë se ndihet më tepër i lumtur për nënën e tij, që siç shkruan ai “pas 72 ditëve pezmatim pas burgosjes sime pa gjyq, sot pati mundësinë të ngjiste copat e thyera të zemrës së saj të bukur”.

Postimi i Erion Veliajt

Mirë se erdhe në botë mbeska ime Avril!

Xhaxhi Eri është kapluar që tani nga dashuria për ty.

Jam kaq i lumtur për Anën e Arbin, gjyshërit Lida e Kastriot, Ajolën dhe Kain që mezi e ka pritur kushërirën e vogël, por sidomos për nëna Shqipen, që pas 72 ditëve pezmatim pas burgosjes sime pa gjyq, sot pati mundësinë të ngjiste copat e thyera të zemrës së saj të bukur.

Të duam shumë Avi!