Rruga që nuk i afron studentët me auditoret, por i largon

Studentët e universitetit ” Aleksandër Moisiu” të Durrësit, në zonën e ish kënetës, janë penalizuar me konturimin e ri që i është bërë rrugës automobilistike. Në se më parë mjetet mund të kthenin para hyrjes në këtë institucion dhe të futeshin normalisht në aiditore, tashmë ata duhet të vijojnë udhëtimet drejt Porto Romanos, afersisht 2.2 km rrugë ku duhet marrë edhe kthesa për të kthyer në UAMD. Pra gjatësia e rrugës shkon në rreth 4,4 km për çdo student. Përveç të tjerave një mjet që sjell studentin në zonë , i takon të bëjë 20 herë në muaj rreth 4.4 km shtese qe në total i bie afersisht 88 km. Shto për këtë që kjo rrugë ka kosto të rritur për naftën. Ata shprehen se kjo situate duhet stabilizuar nepërmjet një ndërhyrjeje inxhinierike më rrugë ose mbikalimi

Nga ana tjetër kjo rrugë është mjaft e vështirë për qarkullim mjetesh. Udhëtimi i mjeteve të rënda në të e ka agravuar shtresën e asfaltit dhe gropat e shumta të shoqerojnë gjatë gjithë rrugëtimit. Kjo bën të domosdoshme riasfaltimin e rruges duke e bërë atë në parametrat përkates që të përballojë mjete të transporteve të rënda si dhe ndërtimin e një mbikalimi për studentët dhe këmbësorët.