Shëtitorja e Gjirokastrës ndotet nga gazi i lëngshëm, zjarrfikësit e pastrojnë me autobot

Në orët e mbrëmjes shëtitorja kryesore në qytetin e Gjirokastrës është ndotur nga një rrjedhje e gazit të lëngshëm.

Prania e gazit në rrugën kryesore që përshkon lagjen “18 Shtatori” dhe ndotja e mjedisit fillimisht ka alarmuar banorët e zonës, duke shkaktuar panik për një zjarr të mundshëm.

Ndërkohë gazi i lëngshëm është konstatuar mbi sipërfaqen e asfaltit, në zonën e shëtitores përreth stadiumit të qytetit.

Për të evituar çdo problematikë si shkak i pranisë së gazit është bllokuar lëvizja e automjeteve në këtë pjesë të rrugës.

Zjarrfikësit me ujë me presion nga autobotët kanë pastruar mbetjet e gazit nga shëtitorja. Dyshohet se rrjedhja e gazit është shkaktuar nga motorrët e automjeteve që e përdorin si karburant.