Durrësi do të ketë probleme me furnizimin me ujë për 2 ditë

Shoqëria Rajonale Ujësjellës Kanalizime Durrës (SHRUKD) ka njoftuar këtë të shtunë se për shkak të një defekti që ka ndodhur në stacionin e pompave në Fushë Kuqe mund të ketë probleme ne furnizimin me ujë gjatë dy ditëve të ardhshme.

Për shkak të motit të keq ka pasur ndërprerje të energjisë elektrike dhe për pasojë tubacioni kryesor ka pësuar dëmtim të rëndë, thuhet në njoftim.

Brigada e avarisë është duke punuar për riparimin e defektit.